Dialèt Bośàc'

'l dialèt l'è la midiśìna
ca la fà bée par regordàs li róbi de 'n bòt

traduci

dall' Italiano al Dialetto Bośàc'


Digitare una parola o una frase da tradurre in dialetto.

Consulta la guida

Scrivi qualcosa nel precedente box, clicca su TRADUCI, qui si visualizzerà la traduzione
Racconti

Natàl 'n cà dèl Talpù

Natàal 'n cà dèl Talpù  

'N tupìi, dal nóm Talpù, e 'n ràt ciamàt Ratto i’era réet a tornàa a cà dòpo 'na giórnàda de càscia 'nséma a 'na slùdria; de cólp ól tupìi 'l se quièta cóma sa l'avés sentüut 'na scòsa eletrèga.

Òl nàas dól Talpù l'usmàva e l'à cunósüut l' ódór dèla sùa végia cà chè l'eva smentegàat da quànca ‘l stàva col ràt en riva al fiüm.

A sentìi chèl ódór dèla sùa végia cà 'l ghè igüt 'n grànt magù.

vocabolario

italiano-dialetto / dialetto-italiano (guida)


Scrivi una parola nel precedente box, clicca su CERCA, qui si visualizzerà la traduzione
Poesii

Il cantico delle creature

Il cantico delle creature

Òl cantèch de li creatüri - testo di Anna Gherardi

La traduziù del Cantico de le creature del San Francesco

 

Signór ti te se grant e bùu e te pödet tüt

A ti al te vee la lode, la gloria e l’onór de tüc’

 

Noma a ti li te vee tüti li benediziù

ca l’om l’è ca degn gna da numinàt.

 

Lode a ti Signor, ‘nsema a tüti li töi creatüri

Prüma de tüt ol sùul ca ‘l fa igni dì,

con la sua lüus al me guida come en fradèl

iscé colt, grant e lüsent, l’è tanto bèl,

itè ‘ndèl so spéc’ al par fina da idit te ti, Signór

 

Ca i te lodi tüc’ Signór, par la lüna e li steli

graziosi, sǜ ‘ndèl ciél te ‘m ie mèsi, come tati sóreli

 

Lode a ti Signór, a par ol vèet

Par l’aria, li nioli e ‘l saré

Cal faghi brüt u bèl, l’è sempri par ol nos sostentamèet

 

Ca i te lodi tüc’ Signór, par la nosa sorèla aqua

Al par ca la valèes nient ma l’è ol nòs oor e la nosa inocènsa

 

Ca tüc’ ai te lodi Signór, a par ol föoch

La sua fiama la sciarìs la noc’ e la fa alegria

Sensa de lüu an sarìs sensa energia

 

Ca i te lodi tüc’ par la nosa mama, la tèra

L’è meèet so sa ‘m viif e ‘n tira avanti

La me da tüta la früa e fior e tüti li érbi

 

Lode a ti Signór, par chi ca i è buu da perdunaa

col to amor, a sa, maai e trebuleri i a da soportaa

 

I è beati, chi che cercarà da fa la paas

Parchè da ti ai sarà propi ben acetac’

 

Ca te siet lodat Signór, a par la mort

La sorèla ca ‘n se ubligac’ a acetaa

Sperem da ruach sensa trop pecac’

chèl ca dio ol, la pasarà e ‘notra vita al ghe sarà

 

Benedisém ol Signor e ringraziemel

e stèm ensèma tra de nùu comea porec’, ca ‘n ghe n’à de besogn

 

'l ghè nè amò

Vocabolo random

malvólentéra

avv.

malvolentieri, di malavoglia

Favole

Ol lǜf e la bólp

Il lupo e la volpe

Ol lǜf e la bólp

'N dì i và ditè 'ndè 'n bàit dè móntàgna 'ndua al frésch sǜ 'nden rongiàl de acqua ghé iló 'na grànt cónca dè ràm piéna dè làc’.  

La bólp la dìs al sò amìis: "ghè sura fói piscéni e bachec' de légn, laga ca i lechi sǜ mi!", e iscé la se lèca sǜ de güst la pàna.

'L lǜf 'l specia, pò 'l bìif tǜt ol làc’ spanàat.

'L rua ol pastóor e la bólp la scapa dala puleröla da 'ndua i dùu iera 'ndàc' dité, ma ol lǜf,  'nfiàat dal lac' tracanàat, 'l ghè rua ca a pasàa e al se ciapàa sü tati legnàdi fìn'ca lè ridót a 'na pelascia, iscé 'l pö 'nfilàs fò a lǜü da chèl böc' strec'.

La bólp, ndèl fratèep, iló a speciàa 'ndèl bósch tacàat, la maiàat nisciṍli e coi güs la fàc' scià 'na colàna ca la se mèsa 'ntóren al còl.

Quànca la vìt ruàa ol lǜf cal źòpegava, la scürlìs la colàna e la dìs: "àa mi sóo stàcia marelada sü; te sentèt cóma i me  scrisciöla i òs".

Ciapàat da la compaśiù 'l lǜf credulù al tö sü a gigiola la bólp e, 'ntàat cal źopega, al lè pòrta  a tórnàa 'n réet.

Li nòni li conclüdeva cola 'nteligènsa di véc’: " 'ndìi, 'ndìi a giügàa  ca'l malàat 'l porta 'l saa!"

'l ghè nè amò

Proèrbi

Trèi fèmni e ‘na galìna, li fa mercàt tüta la matìna.

Tre donne e una gallina, fanno mercato tutta la mattina

se üsa dìi

Ven, ca me ‘n bìif 'n càles

vieni che ci beviamo un calice di vino

Vócabol

Fóntàna

Fontana
Stòri

Ascendenti

Ol re Arduino al gha domandàat a Bertoldo:

-chi sono gli ascendenti e i discendenti tuoi?

-i méi ascendenti e i discendenti i è i fasoi quant ca i bói giò ‘ndela pignata