INPS
Paolo Piani 23-02-2025
I.N.P.S.
Granda ‘nvinsiù l’è stàcia la Prividènsa
ca còi nòs sacrifizi l’à mè ‘mpinìs la credènsa:
da Ginèer a Dicèmbri, òl prüm dèl mìis,
la pinsiù la mè rüa còma èn binìis!
Sempri, l’INPS, còma èn galantóm,
l’à fàc’ frónt ai nòs besógn;
ògni mòrt de vèscof àa ‘n quai aümèet
ma scars: miga fàa ruàa èn quai stratèep!
‘Sti ültèm agn però óo notàat,
vargót ‘n dèl sò mòdo de fàa l’è cambiàat:
fórsi par cólpa de l ‘ntiligènsa artificiàal
gió ‘n dèla büsta, ghé anca … ‘na cambiàal!
Ògni mìis, nsèma a la pinsiù,
al rüa con la püsé granda pricisiù,
èn màal nóof ca tévet mai sentüut
èn fastédi fin prüma scunusüut:
èn gionóc’ ca a fagió li scali al trabàla,
òl dì dòpo a fàa màal l’è ‘na spàla,
senò l’è la schéna ca la fa scarizi,
còma èn rèdes ca ‘l siguìta a fàa vizi!
Óo pruàat a ‘ndàa al sportèl
par s-ciarìi i dübi dèl mè scervèl:
ghéra iló ‘n brao ‘mpiegàat
ca con paziènsa al m’à spiegàat:
adèss li famigli li fa ca pü gnadi,
bisógna paregiàa li üscìdi con li entradi …
sperém ca par òl pròsem Natàal
i mè faghès ca l’ültem regàal!
I.N.P.S.
Grande invenzione è stata la Previdenza
che con i nostri contributi ci riempie la credenza:
da Gennaio a Dicembre, il primo del mese,
la pensione ci arriva senza sorprese!
Sempre, l’INPS, come un galantuomo,
ha fatto fronte ad ogni nostro bisogno;
ogni morto di vescovo anche qualche aumento,
ma scarso: che non provochi qualche stratempo!
Questi ultimi anni, però, ho notato,
qualcosa nel suo sistema è cambiato;
forse per colpa dell’intelligenza artificiale
giù nella busta c’è anche … una cambiale!
Ogni mese, insieme alla pensione,
arriva con la massima precisione
un dolore nuovo che non avevi mai sentito,
un fastidio finora mai patito:
un ginocchio che nel scendere le scale traballa,
il giorno dopo a far male è una spalla,
altrimenti è la schiena che fa saette,
come un bimbo che di far vizi non la smette!
Ho provato ad andare allo sportello
per chiarire i dubbi del mio cervello:
vi era lì un bravo impiegato
che con pazienza mi ha spiegato:
adesso le famiglie non fanno più nidiate,
bisogna pareggiare le uscite con le entrate …
speriamo che per il prossimo Natale
non ci facciano un regalo troppo speciale!
