dall' Italiano al Dialetto Bośàc'
Digitare una parola o una frase da tradurre in dialetto.
Li maréni
Li maréni
A inizi dè lǜi, sènsanfàl tǜc’ i àgn, cóma sà 'l fös 'na data segnàda èn rós sǜ 'ndèl almanàch dè Nembro, al se ripéteva la funsiù dè tögió li maréni.
Dói piànti própi gràndi, 'nsidìdi dal nòno i'era mési a sentinèla dol pràat di “dùu campac' ”.
Stò sornóm ghè levi dàc' mi a chèl panèt pìscen dè tèera sü a Cà dol Trip.
Chèl nóm al rùa dal fàto ca ilò al vigniva mài scià pǜsé dè dùu carghéc' misér dè fée, èn tǜt setànta otànta chili dè èrba secàda.
'Ngivinèi del Bosàgia
San bèl
SAN BELLO
SAN BÈL
Còo còo còo, la canta la galina,
chicchirichiii al canta òl gal:
envece de scapàa ià a Culurina
iè chìló tranquii a miràa gió la Val !
Li pignati i-è già sül fööc,
ogni tàol l’è già preparàat,
già l’ha mulàat i söi cortéi òl cööc;
e lòor ai bèca pacifèch sül selciàat!
Pio pio pio, bèla poiata laghèt ciapàa,
fa istès anca ti, caro ‘l me gàal,
i ca da vich pura, i miga da scapàa,
vedarée ca ‘ve fòo ca dèl màal …
La ghè dà a mèet la pora galina,
subèt al ghè cór réet anca ‘l gal:
iè stüpec’ coma i gióegn cà-i ciapa la pulvirina, 1)
parchè tanto e ai ghè dìs cà la fa cà mal …
E adès iè chilo sül piàt béi rustiic’,
e chi ca iè miga rustiic’, iè fac a lès;
i fals cumpliméc' iè tüc’ finiic’:
si fac’ ciapàa coma pulastri; an vè mangia istès!
NOTE
1) i gióegn ca'i ciapa la pulvirina – i giovani che si drogano
ràgn
s.m.
ragno |l’è còme töö fò ‘n ràgn dal böc’ = è come togliere un ragno dal buco, cosa di difficile soluzione
Ol lambaròt el fìl de òor
Il lombrico e il filo d'oro
Ol lambaròt e ol fìl de òor
'l coràgio dè siguìi i própi sógn e dè esploràa 'l mónt.
Al ghera 'na òlta 'n lambaròt dè nóm Lǜis ca'l vìveva 'n d'èn bósch sóta deli fréschi fói dè nisciolèer.
Ol Lǜis l'era 'n lambaròt curióos e speciàal e 'l scavava 'ndèla tèera dapartǜt.
'Na nòc’ lè 'ndacdefó dal teré par vardàa li stéli 'ndèl cél e al 'na vist üna 'mbèlpóo-bèla a dàgió.
Sǜbet 'l Lǜis là tiratfò 'n s-cès: "sóo stüf dè dì tǜc' stès, ölarìsi vìif 'na vèntüra divèrsa dal sòlet".
'L dì dòpo 'ntàat ca'l scavava 'ndèl teré, là truàat 'n fìl dè òor ca'l lüśìva.
L'era iscé contèet e stüpìit ca là decìdüut dè 'ndàchréet par idìi 'nghée ca'l ruava.
"Che ròba 'l ghè sarà réet a stò fìl d'òor? Ghóo pròpi dè scùprìl!" là pensàat 'l Lǜis.
Là cuminciàat a rampègàa par rùàa sùra la tèera par siguìi 'l fìl dè òor ité par 'l bósch, i pràac’ e àach 'ndèna rógia bèlebée frésca. Ol fìl dè òor al finiva mài.
Lè stacia 'na vèntüra ecitànt da mài smentegàa.
Ol Lǜis là 'ncuntràat taac' animàai cóma li lümàghi, grìi, 'n paù 'mbèlpóo-bèl, coloràat e àa 'na sciguèta.
'Nòtro lambaròt 'l ghà regalàat aretüra di balii de zéneor gròs e bùu bunènti ca i ghà dàc' fòrsa par cuntinuàa 'l sò viàc’ ca l'era amò lónch.
Dòpo mìis dè speriènsi straordinari, 'l Lǜis là vist ca 'l fìl dè òor 'l finiva pròpi defò de lǜs dè 'na végia maśù bandunàda.
Ol lambaròt la picàat la pòrta e sǜbet 'na fata la ghà urìit.
La fata l'era òlta bèla e la sè fàcia idìi davéra coòntèta dè idìi ol Lǜis.
Con tàata sòrpresa la fata là ghà spiegàat al Lǜis ca ol fìl dè òor l'era 'n regàl ca lée la gheva fàc' par premiàa ol sò coràgio e la sùa òia dè aventuri.
"Öla!, che bèl, grazia, te fàc' bée!" là dìc' ol Lǜis con 'n grànt surìis.
Ol lambaròt al se rendüut cǜnt, ca'l bèl viàc’ ca l'eva fàc', l'era tǜt mèret sò, par vès curióos e dol sò coràgio.
L'importa ca quàat ca sè pìscen: sà 'n ghà 'l coràgio dè siguìi i nòś sógn e dè sploràa 'l mónt, 'n pö scùprìi róbi bèli bèlenti.
Iscé ol Lǜis lè tornàat àla sùa cà 'ndèl bósch contèet e sódisfàc' dèla sùa grànda vèntüra.
'Na fiamada
Una fiammata
'Na fiamada
La femma: Dàch 'na fiamada a chèl camì.
Om: Te se réet a schèrsàa?
F: Ghóo fréc', ò besógn de 'mpóo de còlt.
O: Ma lè noma setèrmbri!
F: 'L pö vès ach ol mìis d'aóst ma sbarbeli dal fréc'.
O: 'Na òlta te gh'éret ca tàat fréc'.
F: Se vìt ca gh'éra vargüu ca'l mè scoldava sü.
O: Chée ca te öréset dìi?
F: Negót, pìzèch sóta a chèla legna.
