dall' Italiano al Dialetto Bośàc'
Digitare una parola o una frase da tradurre in dialetto.
La nòna la diśeva
La nòna la diśeva
Regòrdi amò la mia nòna quànca la diśeva:
"A diventàa véc’ tǜti li róbi li và a péc' " e pò la se ne 'ndàva dal grignàa (la pensava al sò chè l' l'era órmài flòsc') .
Magàri la ma spiegáat ´l significàat, crédi dè 'vìi àa capit chèl chè la 'ntèndeva e grignàvi àa mi.
´L tèep al pasa e la nòna le ´ndàcia, la ghè ca pǜ.
Li falìvi
Le faville
Li falìvi
Iè sentàac' gió i rèdes 'ntóren al fuglàa
co'li fàci béli rósi iló a vardàa,
li falìvi ca li sparìs sǜ par ol camì,
prüma de durmìi par speciàa notro dì.
Bunanoc' falìvi lüsenti e béli
ca 'ndìi sǜ a truàa li stéli,
a li scaréli al pàr ca li vè ciàma
'ntàat ca li brüsa col rumóor dèla fiàma.
Adès i rèdes iè 'ndàc' a léc',
la fiàma la sè smorsàda,
lè réet a ignìi fréc',
però 'n pìt de bràśa lè amò restàda.
La nòna, sentàda sǜ 'ndèl sò sgabèl,
lè amò ilò a fàa sǜ ol gamüsèl,
cóma la fàva 'n bòt prüma de spósàs
ma a lée cóma 'na fiàma la pàr réet a smorsàs.
Ai se sèra dal sógn i sóo öoc;
ilura la leva sǜ ma la sènt màal ai giönṍc’
e al ghè vée en méet tüti li fadìghi
a portàa chi gérli piée de gràsa sǜ 'nsóm a li rivi.
Órmai la sà, ca debòt cóme li falìvi béli
la varà en ciel 'nsèma a li sói sóreli;
la nòc' la sè fàcia scüra e fónda,
la và a lèc' e 'nd'èn sógn lónch la sprofónda.
fròol
agg.
frollo
Ól cervàt
IL CERBIATTO
´L CERVÀT
´L Cervàt 'n dì 'l ghà dìc' al pà Cèrf:
" Ti te sée pǜsée grànt e pǜ svèlt dei càa, ti te portèt di còrègn belebée grànc' ca te pödarisèt afróntài e scórentài, parché ducà te ghée iscé pùra ?"
'L pà Cèrf, 'ntàat chel grignàva, ´l ghè dìs:
" Ti te dìset bée, mè càar fiṍl, ma sò àach bée chè apèna i senti bagiàa, mi ciàpi, sò ca cóma, táata pùra ca'l mè vée da scapàa de corsa e dei mée còrègn 'l me vee ca gnàa en mèet."
Móràl dela fàola: Chi l'è purós de natüra 'l ghè-rua ca a guarìi.
L’è mèi avic ‘n dèbet che ‘na vigna visii a 'n bósch.
E’ meglio avere un debito che una vigna vicino a un bosco
Barbéer e la fii del mont
En barber al cüntava sü ca, la fii del mont la vegnarà en trii dì; ol prüm dì al mörarà tüti li besti, ol segónt dì al secarà fò tüti li pianti, ol tèrs dì al mörarà tüc’ i om
En client ca l’era ilò a specia ‘l sò turno al gha dic’:
-sa ol prüm di al mörr tüti li besti, a mi chi che me farà la barba ol segont dì ?
