Foto Animali - Meriggio


 Testi di Paolo Piani - Foto animali di Gianfranco Scieghi

Animali

Lepre Bianca che scappa nella neve a onde:

La Léor Biànca la giüga con la nìif,
l’è própi bèl èn mèz a ‘sti óndi vìif:
saltàa tüt òl dì ‘nde ‘sti pòsc’ iscè béi
fàa li buréli e pó àa i cürmartéi !

Pernice Bianca con un filo nero sugli occhi tipo rimmel:

La Pernìis la spécia òl moróos,
la se varda èn gìir con fàa gelóos
sü la còsta de la montagna, sentada:
fina i öc’ còl rìmmel la s’è petürada!

Civetta che spia dal buco del “müfol”, con i suoi occhi gialli:

La sciguèta la spia fó dal böc’:
sbarlatàac’ la gà i sói öc’
e prónt òl bèch par becàa
tüc‘ chi che vée a distürbàa!

Ermellino che sbircia da un buco nella neve:

L’irmilìi al gà la nìif ca da mantèl
la ghe fa ‘n de ‘sto paées iscé bèl:
al sgùnfia li ganàsi, al móstra i bàf :
l’è própi ‘na bèla … facia da s-ciàf!

 

Galli forcello che sembrano discutere fra di loro:

 

 

Al canta òl gàal forcèl:
de tüc’ sóo mì ‘l pü bèl!
Ma l’òtro ‘l ghe ribàt:
te sée nòma òl püsè màt!

 

Gallo cedrone che guarda il cielo con la coda aperta a ventaglio:

 

 

Òl gàal cedrù al varda òl ciél e ‘l se vanta

par la sùa cùa a ventài, nigra, smalianta:

gnàa i Àngei del Paradìis i-è iscé béi,

par lüü, ca l’è òl rè del Campéi!

 

Pettirosso che alza le ali in mezzo alla neve:

 

Òl picèt (pettirosso) al svòlsa li söi ali sbarlatàdi
ca sóta la nìif dal fréc’ i-è stàci riparadi:
l’è contèet parchè en Bośàgia se sa bée
li sciaréśi li marüda dai prüm fée!

 

Camoscio in mezzo alla neve e pure lui innevato:

 

 

Al pòśa òl camósc’, mèz ‘ndormentàat,
da la nìif quatàat, scoldàat, totolàat:
al sé ‘nsommia èn Paradìis da vèss ruàat:
Bośàgia ‘sto bèl pòst i l’à ciamàat!

 

Cervo in mezzo alla neve che sembra aspettare qualcuno:

 

 

Òl cèrf còi söi còregn béi sü ric’
al spécia la moróśa ca la rùa da Mirìc:
i ga ‘n mèet tàac’ cirvìi da fàa nàs
e ‘nd stò bèl pòst portai a spàs!

 

Cinciallegra appoggiata su un rametto, con il ciuffo all’insù:

 

Bèl üsèlin del bósch 

 

La parasciöla sul ram de làres pugiada
la spia ‘ndùa fàa su la gnada:
l’è tanto bèl ‘sto Paées doràat,
ca èn Cümü la residènsa l’à domandàat! 

 

Volpe sulla neve che si guarda in giro guardinga:

 

 

Òl cucù al ma dic’ ca l’è farina
sta ròba bianca, fresca e fina;
mi grigni sóta ai baff e mövi la cùa,
fóo finta de niént e speci ca a tìir al rùa!

 

Picchio che spicca il volo:

 

 

S…picchio òl vùul e sóo tüt contèet,
parché da sü òlt l’è èn gran gudimèet:
Bośàgia de tüc’ i paées l’è la regìna,
e mi ghè ularóo süra da sira a matìna!

 

 

Sü 'ndèn làres rampegàat

l'usma òl scoiatol l'àn pèna ruàat:

al sènt 'n prufüm duls de pàas,

al sènt ól silénsi del li armi ca li tàs!

 

 

Mi sóo 'n lavarìi 'namoràat,

sü 'nde 'sto ram fiurìit me sóo pugiàat:

e la mia piùma ghóo dac' apuntaméet

par dach 'n bèl basìi còl bèch fóghèet!

 

 

El mìis de April duls e gnagnarèl

l'è scià, sbusaàat dal sò ventüsèl:

mi ca sóo 'n cucù ma miga margnàch

me fóo portàa gratis e vegni ca strach!

 

 

La pora farfala la öl 'mpulinàa

'sto bèl gliglio ca l'è réet a miràa:

ma òl sò destìi da ragn travistìit

la decìis ca òl  sò viàc' l'è già finìit

 

 

Mi sóo 'n capriulìi pèna nàat

mi sóo 'n capriulìi furtunàat

'n dènn bòsc dèl Bosàgia óo idüut la lùus

e de sta gran furtùna sóo fina cunfüus!

                

DAL PIANO AL MERIGGIO

Neve in valle:

 

 

La poeśìa di ‘na iscé bèla fiocàda,
nòma èn Bośàc’ al pó vila ‘nventàda:
ghe própi da restàa a buca uèrta
denàaz al spetàcol de ‘sta gran cuèrta,
e con ‘sto tramónt ca ‘l scòlda ‘l cóor
ai scapa i brüc’ penséer, al fiurìs l’amóor!

 

Centro contrada e municipio:

 

 

La nìif ca la cuprìs pràac’ e téc,
la lüüs ca ghè fa strada a gioèn e véc,
òl Palaz di Paribéi ca despüüs al mìra …
püsé che ‘n Presèpi, l’è ‘n cóor che respìra!

 

Bratte con vista su Sondrio e Valmalenco:

 

 

Da li Bràti, la vista l’è quasi èn sógn:
se vit dal Ròla fina a la Val de Tógn,
Malèech con li sói scìmi da la nìif pütüradi,
e Sondri con li cà, par respèt ‘ngionogiàdi!

 

San Salvatore chiesa:

 

 

Chèsta l’è la Géśa del San Salvadór,
che sempri la regorda ‘na stòria d’amór;
ve truée èn de ‘n póst encantàat:
serée i óc’, òl vòs sógn l’è cuminciàat!

 

Casera baite coperte neve:

 

 

Li se presènta vistidi da binìis
li bàiti al Làac de la Caśèra sòta la nìif:
ògna ocasiù l’è bùna par fàa inamoràa
de ‘sto paèes òl forèst ca ‘l rùa da lontàa!

 

Zocche laghetto gelato:

 

 

Òl Làach de li Zóchi, gelàat
dal róss di làres risaltàat,
còn de frónt ol Badil strafotènt,
l’è ‘n spetacól ca ‘l fa l’óc’ lüsènt!

 

Piada con vista Meriggio:

 

Ecco ol Mirìc’ ca da lontàa se vìt:
al ghe ól amó trìi pàs e ‘n pìt,
e tüt òl fiàat che te rèsta ‘ndi pulmù
…e la fórsa da remàa-réet i scarpù!

Meriggio cima:

 

 

Ecco del Mirìc la scima cunquistada,
finalmèet la nòśa cróos pugiada,
de frónt a nùu la vista la tó ‘l fiàat:
i Córegn Brüsàat,
e tüti li ótri montagni che ghe fa da curnìis 
… parchè l’ànvedia la mór sa la belèzza
l’è püśé dulsa de ‘na carèzza!

 

 

 

<<Per occultar la Deità pretesa,

Ricepre Adam sua Fellonia di frondo;

Sul Meriggio da Dio questa ripresa,

Dietro al Legno di Vita Adam s'asconde:

Per sodisfare à Deitade offesa

Di Carne Dio si copre, il Sangue Effonde:

E sul Meriggio esclama ad alta voce.

Per nasconderti ò Colpa, ecco la CROCE.>>