Òl padrù e òl faméi

di Vittorio Crapella - 18-05-2018


'L PADRÙ E 'L FAMÉI

PADRÙ - Alùra Batista te fàc' tüt chèl ca te gh'evet da fàa ?

FAMÉI - Ó cercàat de fàa püsé debòt ca pödevi. Stàdomaa a li cìnch e 'n quart s'eri già par stràda e ai sèt e trìi quart gh'ò dàc' gió 'l fèe a li vàchi, arès pudût ruàa prüma se 'l piöeva ca, ma la vegneva gió a reultù che Dio la mandàua e gh'evi ca scià l'ombrèla, iscé ò doüt 'ndàa di tè a truàa ripaar en de l'osteria che l'era réet a la stràda.

PADRÙ - Iscè cóma 'l to sòlet te see stàc' ditè en de l'osterìa a bìif a speciàa che 'l cesàss de piöf, te podèvet tö réet l'ombrèla.

FAMÉI - L'è nóma 'n infésc. Al sira quànca so 'ndàc' a lèc' 'l piöeua ca tàat, stàdomaa quànca sòo levat sǜ ó spiat fò da la finestra e l'era tüt sarè. Nóma dòpo che s'è olsàat 'l sùul le dàc' scià amò niòl e 'l s'è fac' tüt scür dapè. 'Ntàat ca vegnevi 'l s'è lagàat sǜ 'l vèet, ma 'nscàmbi de bufàa ià li niòli, la portàat 'n tempóràl con acqua a squazadù.

PADRÙ - Iscè te ölèt fam capìi che te fàc' quasi negòt de chèl che t'ivìi dic' de fàa?

FAMÉI - Sòo ca stàc nóma a l'osterìa, sòo 'ndàc' a 'n gìir par òl paès.

PADRÙ - Cünta sǜ chèl che t'è fàc'.

FAMÉI - 'Ntàt ca 'l piöeva sòo stàc' dal sàrt, l'ó idüut coi mée öc a cüsìi sǜ li födri del vistit nöf che te gh'è ordenàt.

PADRÙ - Ma pòoch pas ilà te gh'evet àa 'l scarpulìi de 'ndàa a vidìi, te se ca 'ndàc' itè 'n dèla sùa botéga ?

FAMÉI - Ol scarpulìi l'eva finit i stivài e l'era réet a fa sǜ i scarpù, 'l cüsiva la sóla a la tomèra con spàac. Par li scàrpi da 'ndàa a balàa 'l gh'à amò da ruàc la vachèta; i gh'à dic' ca i go l'arìs portada en de 'sti dì.

PADRÙ - Te sée 'ndàc' a cà dol me pà, quànc' te se , ca l'era 'l püsée necesàri ?

FAMÉI - Sòo 'ndàc' apéna la cesàt de vignìi gió acqua; ma góo ca truàt gnè 'l tò pà gnè la tua mama, e gnàch 'l zio, lòtrer i'è 'ndàc' tüc' sül magènch a vidìi 'n bòt cóma l'era e i se fermava sü 'n dì o dùu.

PADRÙ - E la servitǜ ? i'era tüc en gir fò de cà ?

FAMÉI - 'L côöc l'era 'ndàc' sǜ 'nséma i òtri, la serva 'nséma a la cügnada i'era con la caròzza par fàa möof 'n bòt i càvai.

PADRÙ - Ma la cà l'era tüta öida ?

FAMÉI - No, gh'ò truàt 'l faméi che 'l töleva fò la gràsa e 'ntàt 'l ma cüntàat sǜ tüt e mi gh'ò dac' i fòi scriüc' che dóevi fàc' avìi al to pà.

PADRÙ - Va bèe, te i töci li provìsti par domàa ?

FAMÉI - La spesa l'ho fàcia, ó töc pasta par la manéstra, fòrmai e büter; 'l vedèl de fa a less l'era pòoch, ó töc 'nséma 'n póo de castràat; par fa l'ümet me so fàc' dàa 'n töc de ciù da fa scià co li vérzi. Nè dórt, nè pernìs e gnàa gàlina n'ho ca truàt.

PADRÙ -Òl pès 'l gh'era ?

FAMÉI - N'óo töc 'n muntù, 'l vegneva ià par 'na ciocà de carnevàl e iscè ó calcat gió còl pèes; trüti de làac.

PADRÙ - Brào, ma 'l barbéer te le ca idüt ?

FAMÉI - Gh'ò parlàat àca lûü, l'è pròpi ilò tacàat al spezièr, 'ndùa ó töc ol péver, i ciòot de garòfói, canèla e già ca ó idüut che 'l gh'era 'l zücher e 'l cicolàat ho töc a chìi.

PADRÙ - Ma 'l barbéer che nutìzi 'l ta cüntàt sǜ ?

FAMÉI - 'L ma dic' ca 'l sò amìis l'òtra sìra l'à perdüt 'n sàc de ghéi a li càrti. 'L ma cüntàt sǜ àa dèla Livisina, le ca pǜ 'nséma al sò mórós e la gh'à giuràt de pǜ ulìl vidìi.

PADRÙ - Tüta gelusia, 'l me vée da grignàa, ma adès pensém a nùu.

(by Vittorio C. - 18-05-2018)

 

'l ghè nè amò

IL PADRONE E IL SERVITORE

PADRONE - Allora Battista hai fatto tutto quello che ti avevo detto di fare?

SERVITORE - Ho cercato di fare in fretta per arrivare al più presto, questa mattina alle cinque e un quarto ero già per strada e alle sette e tre quarti gli ho dato il fieno da mangiare alle mucche, avrei potuto arrivare anche prima se non avesse piovuto, veniva giù molto forte che Dio la mandava e non avevo l'ombrello, ho dovuto ripararmi nell'osteria che era sulla strada.

PADRONE - Così come il tuo solito sei stato all'osteria a bere aspettando che cessasse di piovere, potevi portare l'ombrello.

SERVITORE - E' soltanto un impiccio, ieri sera quando sono andato a letto non pioveva tanto, questa mattina quando mi sono alzato ho visto guardando dalla finestra che era tutto sereno. Solo dopo che si è levato il sole sono tornate le nuvole ed è diventato tutto scuro un'altra volta. Intanto che venivo si è alzato il vento, ma invece che spingere via le nubi, ha portato un temporale con acqua a catinelle.

PADRONE - Così vuoi farmi capire che hai eseguito poco o niente di quello che ti avevo detto di fare ?

SERVITORE - Non sono stato solo nell'osteria, sono andato in giro anche per il paese.

PADRONE - Raccontami cosa hai fatto.

SERVITORE - Intanto che pioveva sono stato dal sarto, l'ho visto con i miei occhi cucire le fodere del vestito nuovo che gli hai ordinato.

PADRONE - Ma pochi passi in la avevi anche il calzolaio da andare a visitare, non sei entrato nella sua bottega ?

SERVITORE - Il calzolaio ha finito gli stivali, stava costruendo gli scarponi, cuciva suola e tomaia con lo spago, per le scarpe da ballerino gli deve arrivare il cuoio morbido che gli hanno promesso di portare in questi giorni.

PADRONE - Ma a casa di mio padre quando sei andato, che era la cosa più importante ?

SERVITORE - Sono andato appena ha cessato di piovere; ma non ho trovato né tuo padre né tua madre, e nemmeno lo zio, l'altro ieri sono andati tutti sul maggengo a vedere una volta com'era e si fermavano un giorno o due.

PADRONE - Ma anche tutta la servitù erano in giro fuori casa ?

SERVITORE - Il cuoco era andato pure lui con gli altri in montagna, la serva assieme alla cognata sono andate in carrozza con attaccato i cavalli per muoverli un volta tanto.

PADRONE - Ma la casa era tutta vuota?

SERVITORE - No, ho trovato il servitore che stava levando il letame dalla stalla e intanto mi raccontato tutto e io gli ho dato i fogli scritti che dovevo dargli da recapitare a tuo padre.

PADRONE - Va bene, hai fatto anche la spesa per domani ?

SERVITORE - La spesa lo fatta, ho preso pasta per la minestra, formaggio e burro; il vitello da fare a lesso era poco e allora ho aggiunto un po' di agnello; per fare l'umido ho preso un pezzo di maiale da cucinare con le verze. Né tordi né pernici e nemmeno gallina non ne ho trovati.

PADRONE - E pesce c'era ?

SERVITORE - Ne ho preso parecchio, costava talmente poco che ho esagerato con il peso; trote di lago.

PADRONE - Bravo, ma il barbiere non l'hai visto ?

SERVITORE - Ho parlato anche con lui, è proprio lì attaccato al droghiere dove ho preso il pepe, i chiodi di garofano, cannella e siccome ho visto che c'era lo zucchero e il cioccolato ho preso anche quelli.

PADRONE - Ma il barbiere che notizie ti ha raccontato ?

SERVITORE - Mi ha raccontato che il suo amico l'altra sera ha perso molti soldi alle carte. Mi ha raccontato anche che la Livisina ha lasciato il suo fidanzato e ha giurato che non lo vuole più vedere.

PADRONE - Tutta gelosia, mi viene da ridere, ma adesso pensiamo a noi.