I pos-c’ de li pùuri
di Anna Gherardi - marzo 2023
Mappa itinerari con racconto dei posti delle paure in breve
I pos-c’ de li pùuri
Sa te ndee te par ol bosch sü par li nosi montagni, te ghé córet reet ai tóo pass sensa pensàa a nient, al te pó capitàa da sintìi ina prèsènsa misteriosa ….. T’è scoltet: l’è ca ol rumóor de l’acqua dèl vaigèl, gnè chèl dol vèet ca'l möof li foi di castàa, e po gnàa ol vèrs de l’aigola o i pass svèlc’ dèl capriöl… Te vàrdet: i orgarói dèl sentéer, i dos e ‘l pianèl, li corni sü a olt vèrs la scìma…
… al ghè ca nient de strano… epӧr al te vee ados iscé 'n sintimèet ca te see ca coma ciamal, 'na südiziù, come sa ‘l ghé fodéss vargüu ca te varda e ti tel vedet ca… Ciapàa coragio e ndàa inàaz o lagàs töo da la pùura e tornàa ‘nreet? Ol coragio e la pùura…a pensach bee l’è tüta ilö la nosa vita. Te ölariset dach a mèet al coragio, ma 'na quai olta te gla fé ca a dèfendes da li pùuri. L’è na roba ca la ghè sucedeva a ca la gèet den bòt, i véc’ dei nos véc’ en di secoi 'nreet. A vargüu de lór al ghè capitàat da vès ciapàat e l’è ca pü tornàat 'nreet, iscé, chi che restàac’ ai ghà dac’ ol nóm a sti pùuri e i cüntava sü i malefizi ca li fava.
La Magada l’è na stria orènda, basa e sgangherada, en fӧch te 'n di öc’, ol naas come ‘l bech d’en üselasc’. La se möof sota tèera ‘nde certi truni ca li ghè cór reet ai sentéer e ali stradi de la geet. E la vee fó da certi böc te par i crap, ca s’en trua tàac’ sü par i nos brìch! Come reet al sentéer ca al va da Gandola a Paganù,
e pó aa reet a la scörtadóra da la Modona a li Fópi. La Magada là ghà ca pùura de nügüu, la pó faa sparìi la roba e i animai da li ca e quali olti a la gèet, óm, femmi e rèdes. La maia li creatüri ca la ciapa, la ghe tö fó i büdei, ai è resènta gió ndèl’ Ada e pó i è 'nvia gió de bot, da 'ngorda.
Sü a Ca di Giönöi, ià al Camèr (1) al ghè sü 'n crap grant en mèz a ‘n órbeda con sota ina truna. Ai dis ca iló la Magada l’eva fac’ tè la sua cà, ma ol Bogat al gó là robada. Ol Bogat l’era in óm iscé póorèt ca al podeva noma 'ndàa a spigolàa par mantignìi la sua famiglia e domandàa da pudii ndàa dité ndina quai masù a scoldàs 'n pìt, quant ca l’era trop fréc’. En bèl dì là remàat scià quai sass e là fac’ sü en müur denàaz a la truna de la Magada e l’è ndac tè iló de ca, 'nsema a la femma e i fioi…parchè, se sa, i póorec’ ai gha ca pùura de nient! La Magada as l’ha ca pù idüuda e adèss iló al ghé “ol Crap dol Bogat”
La Pelaröla l’è parèta de la Magada, l’è buna da fas vidii come na bèla femma e brava, servizeola, ma sül pü bèl la cambia sembiansa, la te salta ados e la te strèpa giò la pèl! E po dopo a i l’è maia. Lee la gira en poo da par tüt; la pö vès iló denàaz e ti te pödet ca idila.
La dona dal giöch l’è na compagnia de diaoi e strii ca i se trua en tra de loor en de certi pos-c’ en poo piacaac’, sü par i bosch, de noc’ e i n’è fa de tüc’ i colóor: ai suna, ai canta e i bala e i fa spàs 'n tra de lóor. Con la müsica el bàl, ai cerca da tira ité i matèi e li matilini en dèl so bacanal, e i ghè da la fisica iscé ai ghè fa faa tüt chèl ca i völ lóor..
Ol Fulét l’è ‘n esèr stravagant, in umii piscen, 'n babaulii tüt rós. Al ghe piaas faa strimii la geet con schèrs e fìchi, come piacach i ròp e robagói. Nügü ai go la mai facia a ciapàl; l’è svèlt come en somèlech, iscé s’el trua dapartüt.
L’Orco l’è olt pusè d’en larès, ma fii fii. Al se fa ité 'nde tüt chèl cal völ e ‘l goot en mónt a tiraa 'n gìr la poora gèet.
Li Mani ì è strani figuri grandi; femmi è öm piacaac’ ité ndena vèsta bianca,lüsenta. Ai gira a caval de certi creatüri con quatro gambi, ca s’na mai idüut de compagni! Ai porta en maa ina lengua de föch. S’ei vìt 'ndeli nòc’ de lüna, gió 'nfont ai pràac’ de sant Antoni, pó ai pasa ité par li Valmani. Ai fa südiziù e pùura 'nsema, però lóor ai fa ca dagn.
https://www.dialbosaggia.it/vocaboli/strii
I posti delle paure
Se cammini nel bosco sulle nostre montagne e segui i tuoi passi senza pensare a niente, ti può capitare di sentire una presenza misteriosa…
Ascolti: non è il rumore dell’acqua nel torrente, né il soffio del vento che muove le foglie dei castagni e nemmeno il verso della poiana, né i passi veloci del capriolo…
Guardi: le curve del sentiero, dossi e avvallamenti e poi le rocce lassù, verso le cime. Niente di strano… eppure ti prende un sentimento che non sai come chiamare, una suggestione… come se ci fosse qualcuno che ti guarda e tu non lo vedi.
Farsi coraggio e andare avanti o lasciarsi prendere dalla paura e tornare indietro?
Il coraggio e la paura…a pensarci bene è tutta la nostra vita.
Vorresti sempre seguire il coraggio, ma a volte non ce la fai a difenderti dalle paure.
E’ una cosa che capitava anche alla gente di una volta, i vecchi dei nostri vecchi, nei secoli passati.
Qualcuno di loro si è lasciato prendere e non è più tornato indietro, così quelli che sono rimasti hanno dato dei nomi a quelle paure e raccontato i loro malefici.
La Magada è una strega orrenda, bassa e deforme. Occhi di fuoco, il naso come il becco di un uccellaccio. Si sposta sottoterra in certe gallerie che seguono i sentieri della gente. Ed esce fuori attraverso grossi buchi tra i massi che si trovano spesso nei luoghi impervi.
Come lungo il sentiero che da Gandola va a Ca Paganoni e anche lungo la scorciatoia che dalla Madonna dei Mosconi va alle Foppe.
Non ha paura di niente e di nessuno; può far sparire le cose e gli animali di casa e anche la gente: uomini, donne e bambini. Divora le creature che cattura, prende i lori intestini, li sciacqua nell’Adda e li trangugia avidamente.
A Ca Gianoli, nella zona detta al Camèr (1), c’è un masso molto grande in mezzo a una radura con sotto una caverna. Dicono che era la casa della Magada, ma il “Bogat” gliel’ha rubata. Il Bogat era un uomo così povero che poteva solo andare a spigolare per mantenere la famiglia e chiedere di poter entrare un po' nelle stalle a scaldarsi quando era troppo freddo.
Un bel giorno, ha raccolto dei sassi e ha tirato sü un muro davanti alla tana della Magada e si è stabilito lì con moglie e figli… perché, si sa, i poveri non hanno paura di niente! La Magada, lì, non si è più vista, adesso quello è il “Crap del Bogat”
La Pelaröla è parente della Magada. E’ capace di mostrarsi come una donna bella e buona, servizievole, ma sul più bello si trasforma, ti salta addosso, ti strappa la pelle e se la mangia.
La Pelaröla si aggira un po' dappertutto; può essere lì davanti a te e tu non puoi vederla!
La dona dal giöch è una compagnia di diavoli e streghe che si ritrovano tra di loro in posti nascosti nei boschi a far baldoria: suonano, ballano e cantano e ne fanno di tutti i colori. Con la musica e il ballo attirano ragazzi e ragazze nel loro baccanale, li ipnotizzano e gli fanno fare tutto quello che vogliono loro.
Il Fulét è un essere stravagante, un omuncolo, un piccolo spauracchio tutto rosso. Gli piace spaventare la gente con scherzi e dispetti, come nascondere le cose o rubarle. Nessuno è mai riuscito a prenderlo; è svelto come un fulmine. E’ per questo che si trova dappertutto.
L’Orco è alto, alto più un larice, ma sottile, sottile come un filo. Ha il potere di trasformarsi in quello che gli pare e si diverte a farsi burle della gente.
Le Mani sono strane figure, donne e uomini, grandi e rivestite di teli bianchi e lucidi, cavalcano creature con quattro gambe, mai viste prima. Portano lingue di fuoco tra le mani. Si aggirano in fondo ai prati di Sant ‘Antonio poi si dirigono verso le Valmane e spariscono. Loro fanno soggezione e paura, ma non fanno danni.
(1) Nota:
<...La baita non essendo assolutamente abitabile per la sudicezza e per la promiscuità delle bestie e degli uomini ci parve preferibile un così detto "camer" ...così chiamasi in Valtellina un masso sporgente sotto al quale si è sufficientemente al riparo dalla rugiada notturna...> link esterno al libro 1891
